Kan inhmu khawm ve leh ta hlawl mai

Kan inhmu khawm ve leh ta hlawl mai

Article Friends Memory

Ropuia Ralte

December 30, 2016

Hun eng emaw chen kan inhmuh tawh loh hnûah nizân (11.12.2016) khân ka thiante pahnih Lawrence-a leh Junior-a'n leng chhuak turin min rawn sawm chhuak a. Tih tur chu ngah viau mah ila an pahnih hian ka hmuh lohna a rei tawh êm avangin an hmel hmuh ve reng reng te pawh a chakawm ka tih avangin ka chhuak lui ta tho va. Hun engemaw chen inhmuh tawh loh hnua han inhmuh leh chu a a hlimawm duh bik 😊.

Dinthar Kawnah

Kan ina an rawn thlen hmain Dinthar kâwnah ka lo han châng a. Kan han inhmu chu Junior-a (a.k.a. Lalhmaibawla) hmai chu naute mawng tam ang han mai hian a lo mam ta thep mai le !!! Ka lawmpui viau a ni. Kan han thu khawmuang a, Dinthar kawna an bâwkte siam chhungah te pawh chuan thla kan han la lâwp lâwp a.

Hmun hrang hrang an chei ena fang kual tura min sâwm chhuak emaw ka tih laiin fang kual ta lo chuan Ramhlun vênga Junior-a te in lamah chuan kan pheiho ta a. Min rawn sawm hun hi a tlai deuh tawh avangin dar 10:00 velah kan thleng phei a. Kan han tî tî ta tak tak a nih kha 🍷+😁. Kan school kal lai chanchin te kan sawi chho va, sawi lohva ram pawh hi kan nei lo 😄. Sawi tûr a tam bawk a ni ang, dar 12:00 a lo ri ta dêr mai a. A tlai tawh bawk si a, keipawn ka tînsan ta a.

Kan tî tî laia Lawrence-a leh Junior-a te thu sawi:

Kum thar (January) chu Ropuia awmna lam Mamit-ah zuk kal dun ve ngei ngei ang aw... Kan kal tur thu erawh kan hrilh lawk miah lo vang a, kan thrawng thut dawn nia...

An thu sawi hi an hlen turah ngai ila, an hlen ta lo a nih chuan ka kâwm tawh lo vang.

Ropuia Ralte December 30, 2016