Tun tum Christmas chu ka chhuak hman mang lo va. Mamit lamah hna ka ngah deuh avangin December 24-ah ka haw hman chauh a ni. Vêng hrang hrang kâwn chei pawh ka la kual hman ta lo va. Ni 26 zân kha chuan kan chhuak tho va, mahse Zarkawt leh Dawrpui bak ka la hman lo. Post hmasa lam in lo chhiar a nih chuan 2015-a Aizawl vêng hrang hrang kawn chei thlalak in hmu ang a. 2016-ah pawh hian veng hrang hrang kawn chei thlalak han dah ka duh viau a, mahse hun ka neihin min daih loh bakah, ka taihmaknain a tlin tak loh vangin ka lâk ve chhun tlêmte han dah hmingchhiat ting tang ai chuan post ka siam ta lo mai a ni. Engpawh ni se, chhûn lama a lan dân hian zân lama a lan dân tur engemawchen chu thui takin a hril ve tho alawm 😌.
|
Kum 2015 leh 2016-a christmas vuakvet-a Aizawl khawpui dung boruak hi a inang lo viau mai a. 2016-ah hi chuan bazarpui pawh an thâwl deuh nîin a lang a, No Vehicle Zone pawh hi mipuiin an hlut nêp deuh em aw tih theih turin a boruak hi a zuai deuh tlat mai. A chhan ni ta bera lang chu India prime minister, Narendra Modi-a'na ₹ 500 leh ₹ 1000 note hlui a tih thih vang hi ni berin a lang. Sum lêng vâk a tlem a, bazara thu tan chuan inhralh a har phah a ni.
Hei bakah hian kum danga Millennium Centre-a Cosplay an hman thin kha 2016-ah chuan Mualpui lamah an sawn ta daih sî a. Zarkawt leh Dawrpui phei ti lûn nuam ve deuh tur kha a rawn tichhe ta niin a lang bawk. Millennium Centre-ah hian Pump Charity Show erawh kha chu la kalpui chhunzawm zel a ni a, hei hian boruak a rawn tizangkhai em em a ni. Kum 2014-a thlalak tlema zawng en lêt tur chu post hlui
2014 Thlirletna-ah a awm, mahse tlem tak tak 😁.
A hnuaia thlalak ka rawn dahho hi nimin (31.12.2016)-a kan vah kualnaa ka lak a ni a. Kal pah lak a nih avangin en nuam lo tak tak pawh a awm mai thei. Canon 7D leh Canon lens 10-18mm f/4.5 hmanga a ka lak vek a ni a, thlalak chu a va parh hlei hluai ve mawle te pawh lo ti mai r'û😃. Mahse, a hmuna kal ve thei lo, kal ve chak em em si tena a thlalak tala in lo hmuh ve theih nan tiin ka rawn post ta a nih hi.
Over Bridge thar, Assam Rifles Canteen bula mi.
Two wheeler park-na hmun, Lammual bul
Over Bridge thar, 2016-a an siam
Lalchhuanmawii Pachuau
HDFC Bank bul, Dawrpui
Bazar Bungkawn-a Over Bridge thar. Heipawh hi 2016-a an siam tho.
Secondhand an thing lai
Bazar Bungkawn
 |
| Bazar Bungkawn, Temple lam pan pheina |
 |
| Dawrpui phei |
 |
| Dawrpui pheia naupang ice cream zuar |
 |
| Dawrpui phei |
 |
| Vaipa mix zuar, a inhralh thei vak lo aniang, a ngui riau. |
 |
| Dawrpui Taxi Stand |
 |
| Millennium Centre kawta Pump Charity Concert entute |
 |
| Pump Charity concert-a an zai lai |
 |
| Millennium Centre kawta an eitur zawrh |
 |
| Millennium Centre kawta kuhva leh eitur an thutpui lai |
 |
| Millennium Center leh a pâwn lam |
 |
| Naupangin nuam an ti. Balloon thlawk thei hi an keng deuh fur mai. |
 |
| Dawrpui phei, kawng chung |
 |
| Zarkawt Kawn |
 |
| Zarkawt kawna an ran in sak. |
 |
| Vanglaini Office phei |
 |
| Power House phei Bazar |
 |
| Power House pheia secondhand an thutpuina hmun |
 |
| Heipawh Power House lên phei (lane) |
 |
| Heipawh Power House phei tho, vawiina kan kalna chinah chuan secondhand an thin nsat berna hmun a ni ang. |
 |
| He lai hi chu Nghathu lane ka ti mai, a lo uih deuh vet vet thinna lai kha. Kuhva pawh an zuar thin. |
 |
| Sangha sât |
 |
| Helai hi bazar chhung. Ni 24 tlaia an bit em em thinna lai kha. |
 |
| Bazar chhunga tlereuh dawr |
 |
| Selfie 😉 |
 |
| Selfie 😘 |
 |
Zawngtah awm hunlai a ni a, an inchhawp chho hnur mai.
|
conttaeKbur_re Christian Blasko click here
ReplyDeletevinkerzdissa