About
Thu ziah leh thu chhiar (literature)-ah ka tui em em a. Ka thiam ang tawk tawkin ka rilru rawn inlar hi ka thâi chhuak ve ṭhin a. A chhiartu tân a chhenfakawm em tih erawh ka hre lo. Nimahsela, kan thu ziak mawlmang ve takte hi kan thih hnua kan chanchin an rawn chhuina hmanraw tha ber a ni tih hi ka hrechiang ve em em a. Chuvangchuan, ka hunâwlah hi chuan holam tak tak pawh hi ka ziak leh mai ṭhin.
Photography hi ka tuina ber pakhat a ni a. Mizo te hian photography hi kan hmelhriat chho ṭan zel bawk a. Thla la thiam tak tak leh eizawnna bulpui ber atana hmang chho pawh kan awm nawk tawh. Hma pawh kan sawn chho zel dawn tih a chiang reng. Nimahsela hmasawnna rahbi rap tura inchhiar zauna hmanrua te, thiamna tihpunna atana han belh tur bulfuk kan neih si loh chuan bui lung tawk ang hlauh kan ni thei. Chû'ng rawn inzir chho beuh beuhte tana chhenfakawmna tlem lo neih ve hi ka duh dan a ni a. Mizo zinga photography tihmasawntu nih hi ka tum tlat a ni. 📷
Hê blog-a ka thu ziah hi rilru sêng tak chunga ka ziahte an ni hlawm a. Mahni hriatnain a daih loh china mi dang han râwn pawh ka nei fo mai. Thenkhat chu ka thu ziah ka tihchhuah hmaa belhchian a dawl loh palh hlauh laka indaikhalh nana keimah ngeiina a taka ka enchhinte an ni a. Ka rilru leh ka thâ ka sêng ve nasa em em a ni.
Chuvangchuan khawngaihin ka blog-a ka thu chhuah leh thlalak târlante hi min hlutsak tur leh ka rem tihna lo chuan hê blog piah lama lo la chhawng lo hrâm turin ka ngên a che u. Ka thu ziahte hi midang chhiar atana i lo duh ve tak mial chuan ka blog link emaw post link emaw pe mai turin ka ngên bawk a che u.
Hriat fiah loh leh hriat belh duh i nei a nih chuan ka email: rlalropuia@gmail.com-ah emaw Contact Form atang hian min rawn be thei reng e.