Mobile Application leh Web App
Android Mobile App Web App
Lockdown lai 2021 bâwr chho kha Mamita ka awm lai a ni a. Lockdown den chhenin mobile application siam ka zir chho ve bek bek a, khâwlin duhthu a sâm loh avangin duh angin ka inzir hlei thei lo. August 2022-ah Aizawl-ah transfer ka ni a, heta ṭang hian theihpatawpin ka hun âwl neihah ka inzir chho ta ṭang ṭang a ni.
2023 kum tâwp lamah Health Worker te hman theih turin mahni bial ṭheuhva population lakkhawm theihna tur Health Population app ka buaipui chho ṭan a, March 2024-ah hman theihin ka peih a, May 24, 2024-ah Google Playstore-ah ka dah fel thei a ni.
Hê project ka khawih zawh hnu hian Mizoram UPC, Dinthar Kohhran hman tur Android Application ka buatsaih leh a, hei hi December 2024-ah hman theihin ka peih fel leh a, hmangtu tur an tlem avang hian Playstore-ah ka dah chhuak ta lo.
Kum 2025 kum tir lamah Literature and Publication Board, Mizoram UPC lam nen agreement siam felin kohhran data record-na tur web application ka buatsaih leh a, he web app hi May 2025-ah ka peih fel leh a ni.
Tunah chuan ka application siamsa update a ni rih mai a. Hun rei lo tê chawlh ka han nei ve ang a, Pathianin rem a tih chuan project hmachhawp te pawh a rawn awm chho leh turah ngai ang. Ka application siamah hian UI leh UX (User Interface & User Experience) ka ngaipawimawh a, performance leh security ka dah pawimawh em em bawk.
Mimal emaw pâwl anga application siam duh kan awm a nih chuan min rawn bia ula, ṭha tak leh tlawm taka intihsak zêl kan tum dawn nia.
:)
:(
hihi
:-)
:D
=D
:-d
;(
;-(
@-)
:P
:o
:>)
(o)
:p
(p)
:-s
(m)
8-)
:-t
:-b
b-(
:-#
=p~
x-)
(k)