Aizawlah Kar Khat Training
Events
Tûn thla laihâwl khân ni 22 leh ațanga ni 29, April thleng Health Worker training a awm tûr thu lehkha kan dawng a. Kan hnâa a kûl atâia kan buai lai a nih avângin kal theih loh mai ka inring rum rum hman. Kâr khat lai training hian a awh dâwn avangin chhûn lamah chuan ninawm deuh mahse zân lama office hna khawih chhunzawm tur a awm dawn loh avangin hê kâr hi a thlâkhlelhawm ve ngawih ngawih a ni.
Training hi ni 23 (friday) ațanga țan tur emaw ka lo ti pek a, ni 22-ah state lama report thawn chhoh tur ka hnâ bik chu ka zo hman hram a. Hemi nî hian chawhnu chhuak sumo-ah Aizawl panin ka haw chho chauh a. Kan haw kawngah hian ka chuanna sumo hi a hlui tawh êm vang a ni mai thei, driver nena kan inkar ațangin vawi khat chu khu dum chhah tak mai a rawn chhuak chum chum a, hmeichhia phei chu an thlabar hman lek lek. Hemi nî hian zân dar 7:30 velah in ka thleng a ni.
A tukah training turin ka chhuak nghal a, bike ka hralh ka tâk avangin kan training-na hmun tur New Secretariat Complex, Khatla chu kê-in ka kal phei ta ṭauh ṭauh a. Kêa ka lo kal nasat ṭhin avangin ka fitness a ṭha ve rih viau a, minute 15 vel lekah te ka thleng phei ve mai zel. Chutiang chuan kan training chhung hi chu nitin kein ka kal ṭauh ṭauh mai a ni. Mahse, chaw ei a tui duh phian. Ka sek har lo ang :-D .
Health worker batch hrang hrang leh khaw hrang hrang aṭanga kalkhawm kan ni a, a inhriat sên vek bik loh va. Mahse, thawh inang ta nâ nâ na chu kan inkawm ngeih nghal thei zel mai.
Kan health worker zir laia kan tutor-te deuh vek khan training hi min pe bawk a, kan inpawhna a ṭha a, kan thil zir pawh a hlawkthlak bik.
Kan training chhunga kan thlalak ṭhenkhat ka han dah phawt ang e.
Last Day
Kan training-na hmun, Mizoram Nursing Council
Maengi, Dapchhuah Health Worker nen
Zorema, Suarhliap Health Worker
:)
:(
hihi
:-)
:D
=D
:-d
;(
;-(
@-)
:P
:o
:>)
(o)
:p
(p)
:-s
(m)
8-)
:-t
:-b
b-(
:-#
=p~
x-)
(k)