PayTM (Mobile Wallet)

PayTM (Mobile Wallet)

Khawvêl changkânna hi a thlawh-in a thlâwk fua fua emaw tih mai tûr a ni a. Mobile phone rawn chhuahna te kha a la rei loh teh lul nen hian a rawn chhuah tirh-a mobile phone te kha tuna phone kan hman lai nen hi chuan inthlau viu veu tawh tak a ni. Tunah chuan han chhuahvah-naah te leh thil nghah ngai han neiha han ṭhut ngawih kur te kha a awm tawh lo va, kan phone kan la chhuak a, kan ṭhuthmun aṭangin khawvel kan fang kual zung zung hi a ni ringawt.

Kum sâwm liam tâ kha han thlîr lêt ila. Khâ'ng hunlai khân online payment te hi kan la hmang ang tih ngaihtuahna reng reng kha kan la nei pha hlawm lo vang. Kan bank kalphung pawh tunah chuan a changkang tawh êm êm a. Mizoram Rural Bank takngial pawhin tunah chuan an Debit Card hmangtute tân online payment pawh an rawn chhawpchhuahsak ve leh ta zel a. Chumi online payment hmang chuan tunlaia mi tam takina an application hman mêk PayTM hi a lo ṭangkai ta em em mai a ni.




PayTM chu eng nge?
Mobile Wallet a ni a. Wallet pangngai kan hman ṭhina pawisa phêk (currency note) kan hnawh ṭûn ṭhin aiah khan kan bank account aṭangin kan phone hman laia application-ah pawisa kan dah lut mai thei tawh a, chu chu Mobile Wallet chu a ni. Mobile wallet hi chi hrang hrang a awm nual a. State Bank of India te, HDFC Bank te, ICICI Bank te leh bank lâr zualho hian anmahni bank pualin mobile wallet hi an nei bawk a. Mahse, hêng anmahni puala an siam bîk hi chu a huang a zîm deuh ṭhin avangin hman buaithlak châng a awm ṭhin. A tam zawkina awlsam taka an hman mai theih tura an siam zinga tûna an hman nasat ber chu PayTM hi a ni.

Eng nge a ṭangkaina?
A ṭangkaina hi chu PayTM hmangtu kan tam leh tam lohvah a innghat ber a. PayTM hi kan hmang vek a nih chuan savun wallet hi ak miah lo pawh ni ila kan indâwr thei vek dawn tho a ni. Online payment a nih avang hian pawisa nawi remchân lohna avanga buaina a awm ve thei lo va. ₹7 man thil lei duh pawh ni la, awlsam têin ₹7 i pe mai thei dawn tihna a ni. PayTM hi pawisa dah ṭhatna a ni satliah lo va. PayTM hmang vêtute hnenah awlsam têin pawisa i thawn thei a ni. Petrol pump leh dawr ṭhenkhatah chuan PayTM hmanga pawisa inpek mai theih turin QR Code an târ lang a, internet connection a ṭhat chuan awlsam takin pawisa an inpe mai zel.


PayTM wallet hman dân:
1.  A hmasa berah chuan PayTM Application hi i download a ngai. Android, iPhone leh Windows phone version download tûr a awm a. (Link-a luh khian a download mai theih)


2.  I install fel hnuah i hawng ang a, i in-register ang a, a hnuaia mi ang hian a rawn lang ang.


3.  I install fel hnuah i hawng ang a, i in-register ang a, a hnuaia mi ang hian a rawn lang ang. Chuta ṭang chuan han hriatthiam loh em em tur a awm tawh lo va. I wallet-ah pawisa dah i duh chuan Add Money tih-ah khian i lut ang a. I balance i en duh chuan Passbook-ah khian i lût leh ang. Pawisa i thawn duh a nih chuan Pay -ah khian i lut leh ang a, QR code emaw phone number hmang emawa pawisa transfer-na tur a lo awm ang.

A hnuaiah hian ka phone aṭanga ka screenshot-ho ka dah ang a, a hriatthiam theih mai ang.


PayTM Wallet
👍Mobile Wallet Ṭhatna :
•  Wallet chhah tak ah a ngai ve tawh lo.
•  Mobile wallet / online payment-ah hrim hrim hi chuan pawisa lem a awm ve thei lo.
•  Pawisa nawi neih loh avanga buaina a awm ve lo.
•  Bank account nen-a thlunzawm theih a ni a, pawisa inthawn nân a awlsam em em a ni.

•  Internet awm lohna hmunah a hman theih loh.
•  Phone hi tihbo palh theih a ni a. Kan wallet-a kan pawisa kan chân vek thei.
•  Mizoram angah hi chuan network a chhiat avangin hman tak tak a harsa a. Tin, dawra hmang turin a nghaktu lamin mobile wallet chinchang an hriat loh chuan a cash bawka indawr a ngai dawn tho.
•  Khâwl thil a ni a, kal sual palh awm ve thei a ni. Transaction a awm laia error a lo awm palh châng te hian pawisa a lo in-cut ve ṭhin a, refund leh hleih theih loh te a ni ṭhin.